Франциянинг Лион шаҳрида қамоқхонадан ғайриоддий қочиш ҳолати содир бўлди: маҳбус ўз камерадошининг йўл сумкасига яшириниб, озодликка чиқиши керак бўлган маҳкум томонидан қамоқхонадан олиб чиқилди. Бу воқеа 11 июль куни рўй берди — эркинликка чиққан маҳбус сумкадаги дўстини шунчаки олиб чиқиб кетди ва ҳеч ким буни пайқамади. Қочқин маҳбуснинг етишмаётгани фақат бир кундан сўнг маълум бўлди.
Le Progrès нашрининг Лион прокуратурасига таяниб хабар беришича, қочқин 20 ёшлар атрофида бўлиб, аввал ҳам бир неча бор судланган. У икки нафар одамни ўлдириш ва уюшган жиноий гуруҳда иштирок этишда гумон қилинаётган эди.
Қамоқхонада ички хизмат текшируви бошланган. Сумкада уни олиб чиққан маҳбус эса энди қочишга ёрдам берганлик (пособничество) моддаси бўйича қайта қамоққа тушиши мумкин.
📍 Қочиш Лион-Корбас қамоқхонасида содир бўлди. Бу муассаса анча вақтдан бери муаммоли қамоқхона сифатида тан олинган. BFMTV маълумотига кўра, у 678 маҳбус учун мўлжалланган, аммо 1 май ҳолатига кўра у ерда 1218 киши сақланаётган бўлган — бу нормадан деярли икки баробар кўп.
🔻 Қочишдан кейинги куни номаълум шахс қамоқхона дарвозасига бензин сепиб, «Молотов коктейли» отган ва бир ходимга таҳдид қилувчи плакат қолдирган.
Назарбоев бойлик рейтингида Трампдан ўзиб кетди
Ҳиндистон ҳукумати Сентинел қабиласини рўйхатга олишда муаммога дуч келмоқда
"Мен Фаластин давлати мустақиллиги ғоясини қатъий қўллаб-қувватлайман, бироқ..."
