Францияда маҳбус Лувр музейига саёҳат пайтида ҳуқуқни муҳофаза қилиш органларидан қочиб кетди

Париж чеккасидаги Нантер қамоқхонасидаги маҳбус вақтинчалик озод қилиниш вақтида ҳуқуқни муҳофаза қилиш органлари ходимларидан қочиб кетди. Суд томонидан маданий мақсадлар учун Лувр музейига ташриф буюриш учун рухсат берилган.

Бу ҳақда француз оммавий ахборот воситалари хабар беришди.

"Нантер қамоқхонасидаги маҳбус вақтинчалик озод қилинганидан кейин Париждаги Лувр музейига уюштирилган маданий саёҳат пайтида қочиб кетди. Эркак жамоат транспортида ҳуқуқни муҳофаза қилиш органлари ходимларидан қочиб, RER бекатидан чиқиб, метрога қочиб кетди", деб хабар берди полиция.

Таъкидланишича, Нантер қамоқхонасидаги уч маҳбусга суд томонидан Луврда Франция фуқароларининг ҳуқуқларига бағишланган кўргазмага ташриф буюриш учун вақтинчалик озодлик берилган. Бироқ, қамоқхона маъмурияти ва прокуратура ушбу чоранинг қабул қилиниши мумкинлиги ҳақида судга салбий фикрлар билдиришган, аммо суд уларни эътиборсиз қолдириб, маҳбусларга вақтинчалик озодлик беришга рухсат берган.

Қамоқхона маъмуриятининг қарорига кўра, маҳбусларга олтита ходим, жумладан, учта хавфсизлик ходими, битта юқори лавозимли офицер ва иккита SPIP ходими ҳамроҳлик қилиши керак эди. Бироқ, маҳбусларга аслида фақат иккита SPIP ходими ва иккита қамоқхона қўриқчиси ҳамроҳлик қилган.