Франциянинг яқин йиллардаги мудофаа сиёсасини белгилайдиган "Миллий стратегик таҳлил" ҳужжатида Европа чегаралари яқинида "доимий Россия таҳдиди" мавжуд экани қайд этилди. Ҳужжатда Россия томонидан юзага келаётган хавф-хатарлар қаторида қуйидагилар санаб ўтилган: киберҳужумларни ташкил қилиш ва уларни яшириш, мамлакатни тарк этган мухолиф шахсларни таъқиб қилиш, сайлов жараёнларига аралашиш ҳамда Европадаги жамоатчилик фикрига таъсир ўтказиш орқали беқарорлик келтиришга уринишлар.
Шунингдек, ҳужжатда Европа ҳудудида юқори интенсивликдаги кенг кўламли уруш эҳтимоли ҳам истисно этилмайди. Франция бу сценарийга тайёр туриш лозимлигини таъкидлаб, Европа Иттифоқи давлатларини ўз мудофаа салоҳиятини кучайтиришга, тезкор ҳаракатланиш инфратузилмасини ривожлантиришга ҳамда киберхавфсизлик ва разведка соҳаларига кўпроқ сармоя киритишга чақирди.
Ҳужжатда: «Европадаги тинчлик кафолатланган эмас. Энг ёмон сценарийга тайёр туришимиз ва мудофаани нафақат сўзда, балки амалда ҳам мустаҳкамлашимиз керак», деган фикр илгари сурилган. Ушбу стратегик баёнот Украинадаги уруш, Россиянинг халқаро майдондаги фаолияти ҳамда бошқа минтақаларда (хусусан, Африка ва Яқин Шарқ) таъсирини кучайтирилаётгани фонида эълон қилинди.
“Бу ерларнинг асл эгаси бизмиз”
Маск: "Бу кетишда Европа йўқ бўлиб кетади"
Дональд Трамп ростдан ўлганми? "The Journal" нашри айрим фактларни эълон қилди
