Франциянинг Лион шаҳри яқинида жойлашган Виллербан шаҳридаги "Эррама" масжидида номаълум эркак Қуръонни ўғирлаб, бинодан чиқишда уни ёқиб юборди. Бу ҳақда 3 июнь куни Рона департаменти масжидлари кенгаши сайтида хабар берилди.
Маълумотларга кўра, ҳодиса 2 июнга ўтар кечаси содир бўлган.
«Тахминан соат 03:45 да, яъни бомдод намозига 20 дақиқа қолганда, юзи ниқобланган шахс ибодатхонага кирган. У Қуръон нусхасини олган, ёққан ва бинога кириш жойида қолдириб, қочиб кетган», — дейилади коммюникеда.
Ҳудудий масжидлар кенгаши бу ҳодисани «нафрат асосида амалга оширилган ҳужумлардан бири» сифатида баҳолади. Ташкилот Францияда мусулмонларга нисбатан салбий муносабат кучайиб бораётганидан жиддий хавотир билдирди.
Даҳшат! Вафот этган 88 ёшли аёл тобутда ҳушига келди
Ҳиндистон чўкиб кетмоқда - ярим миллиондан ортиқ қурбонлар
Ғарб Киевнинг аэродромларга қилган ҳужумларидан сўнг нохуш ҳақиқатни тан олди
