Франция регулятори Appleга 150 млн евро миқдорида жарима солди

Франция монополияга қарши регулятори Appleга 150 млн евро (тахминан $162 млн) миқдорида жарима солди. Бу ҳақда 9то5маc нашри хабар берди.

Жарима iOS’да App Tracking Transparency (ATT) функциясининг жуда мураккаб амалга оширилиши туфайли қўлланилди.

Расмийларнинг фикрига кўра, бу реклама берувчиларнинг манфаатларини бузади ва устун мавқени суиистеъмол қилишни англатади.

2021 йилда жорий қилинган АТТ функцияси иловалардан фойдаланувчилардан бошқа иловалар ва сайтлардаги ҳаракатларини кузатиш учун рухсат сўрашини талаб қилади. Аммо маълум бўлишича, бу сўровни шакллантириш шунчалик мураккаб ва чалкаш бўлиб чиқдики, кўпчилик фойдаланувчилар шунчаки рад этишди — натижада реклама берувчилар маълумотлар ва даромадлардан маҳрум бўлишди.

Apple хатти-ҳаракатлари устидан шикоятлар ишлаб чиқувчилар ва реклама саноати манфаатларини ифодаловчи савдо уюшмаларидан келиб тушган.

Улар, шунингдек, Appleнинг ўрнатилган иловалари ушбу тизимни четлаб ўтиб, учинчи томон ишлаб чиқувчиларига нисбатан устунликка эга бўлиши мумкинлигини таъкидладилар.

Текширув натижаларига кўра, Франция идораси iOS’даги хабарномалар ва рухсатномалар тизими ҳаддан ташқари мураккаб ва ҳалол рақобатга тўсқинлик қилади деган хулосага келди.