Франция расмийларига TikTok ёки Netflix каби мобил кўнгилочар иловалардан фойдаланиш, шунингдек, Candy Crush ўйнаш тақиқланди

Франция расмийларига TikTok ёки Netflix каби мобил кўнгилочар иловалардан фойдаланиш, шунингдек, Candy Crush ўйнаш тақиқланди.

Чекловлар вазирлик ва идораларнинг икки ярим миллион ходимининг офис қурилмаларига таъсир кўрсатди. Ҳукумат ўз қарорини киберхавфсизлик билан боғлиқ хавфлар билан изоҳлади.

Оқ уй, Европа комиссияси, Британия ва Канада расмийлари аллақачон ўз расмийларини Хитой видеохизматини ўчириб ташлашга мажбур қилишган. TikTok раҳбарияти ўз ўрнида, Хитой разведкаси билан ҳамкорлик қилиш ҳақидаги шубҳаларни бир неча бор рад этган.

Парижда эса ҳукумат янада "қатъийроқ" қарор қабул қилишди: келиб чиқишидан қатъи назар, барча кўнгилочар иловалар тақиқланди.

Politico нашрининг ёзишича, бундан бир неча кун аввал француз парламентарларига Американинг Whatsapp ва Signal мессенжерларини, шунингдек, Павел Дуров томонидан яратилган Telegram'ни офис телефонларига ўрнатмаслик тавсия қилинган.