Қашқадарёда 115 ёшли отахоннинг бир асрлик орзуси амалга ошди

Иккинчи жаҳон уруши қатнашчиси Рўзибой бобо Сатторовнинг истаги амалга ошди, деб хабар бермоқда Қашқадарё вилояти ҳокимлиги матбуот хизмати.

Куни кеча вилоят ҳокими Муроджон Азимов президентнинг табригини ўқиб эшиттириш учун Ўзбекистондаги энг кекса Иккинчи жаҳон уруши қатнашчиси хонадонига ташриф буюрган эди. Қамашилик Рўзибой бобо Сатторов 115 ёшни қарши олган.

Бугун, 10 май куни эса Иккинчи жаҳон уруши қатнашчиси Рўзибой бобо Сатторовнинг истаги амалга ошиб, президент юборган махсус самолётда парвозни амалга оширди.