Франция ҳарбий разведкаси Дуровнинг Руминиядаги сайловларга аралашув ҳақидаги айбловларини рад этди

"Франция ҳарбий разведкаси (DGSE) бирор-бир сайлов жараёни билан боғлиқ аккаунтларни блоклаш бўйича сўровларни амалга оширгани ҳақидаги айбловларни қатъиян рад этади", дейилади разведка бошқармаси баёнотида.

DGSE вакиллари Telegram раҳбари Павел Дуров билан бир неча бор учрашганликларини, бу учрашувларда унга ўз компаниясининг ва унинг шахсий мажбуриятларини, хусусан, терроризм ва болалар порнографиясига қарши кураш борасидаги чораларни эслатганликларини маълум қилишди.