Форс кўрфазида танкер ёнмоқда

Ироқнинг Эль-Фао порт шаҳридан жануби-шарққа томон 63 денгиз мили масофасида, Форс кўрфазида юк ташувчи танкерда ёнғин содир бўлди.

Бу ҳақда Буюк Британиянинг Денгиз савдо қатнови бошқармаси (UKMTO) маълум қилган.

«UKMTO Ироқнинг Эль-Фао порт шаҳридан жануби-шарққа томон 63 денгиз мили масофасида, Форс кўрфазида танкер ёнғин бўлаётгани ҳақида кўплаб хабарларни қабул қилди», — дейилади ташкилот баёнотида.

Қайд этилишича, хабар келиб тушган вақтда кема экипажининг аҳволи, етказилган зарар миқдори ва атроф-муҳитга эҳтимолий таъсир ҳақида маълумот мавжуд бўлмаган.