Forbes рейтингида дунёнинг энг бой одами бир соат ичида икки марта ўзгарди

Теsla ва SpacеХ асосчиси ва яқинда Тwitter ижтимоий тармоғининг эгаси Илон Маск Forbes журналининг энг бой одамлари рўйхатидаги ўрнини икки марта бой берди.

Энди у франциялик LVMH гуруҳи президенти Бернард Арнодан кейинги ўринда. Бу ҳақда Kazinform BBCга таяниб хабар беради.

Чоршанба куни соат 15:30 дан 16:30 гача Маскнинг бойлиги 185,1-185,8 долларни, Арнонники эса 185,3-185,7 долларни ташкил қилган. Бу вақт ичида Арно икки марта биринчи ўринга кўтарилди. Маск илк бор 2021 йил баҳорида Forbes журналида миллиардерлар рўйхатида биринчи ўринни эгаллади. Ўшанда унинг бойлиги 219 миллиард долларга етган ва Аmazon асосчиси Жефф Безосдан ўзиб кетган, унинг бойлиги Forbes 171 миллиард долларга баҳоланган. Ўшанда француз тадбиркори Бернард Арно учинчи ўринда эди. У биринчи марта 2020 йилда «кучли учликка кирди» – ўшандан бери, Forbes маълумотларига кўра, Арно оиласининг бойлиги икки баробардан кўпроққа ошган (76 миллиарддан 158 миллиард долларгача).

Маскнинг «пасайиши» миллиардер жорий йилнинг баҳорида Тwitterни 44 миллиардга сотиб олиш таклифи билан чиққанидан кейин Тesla акциялари қийматининг кескин тушиб кетгани билан изоҳланади.