Словакия бош вазири Роберт Фицо Владимир Зеленскийнинг 9 май куни Москвада бўлиб ўтадиган Ғалабанинг 80 йиллигига бағишланган тантана иштирокчиларига таҳдидлар бўлиши мумкинлиги ҳақидаги баёнотини рад этиб, унинг сўзларини кулгили деб атади. Бу ҳақда "ТАСС" хабар бермоқда.
Фицо байрамларда иштирок этиш ниятини тасдиқлаб, иштирокчилар хавфсизлиги Россия зиммасида эканлигини таъкидлади. Шунингдек, у хорижий делегациялар Москвага келмайди, деб ўйлаган киши адашади, деб таъкидлади.
Фицо делегацияси таркибига Миллий кенгаш ва Европа парламенти аъзолари ҳамда икки нафар талаба киради. Бош вазир Украинадаги можарони тезроқ ҳал қилишга чақириб, унинг чўзилиб кетишидан хавотир билдирди. У буни Украинанинг АҚШ билан тузилган фойдали қазилмалари бўйича келишуви билан боғлаб, бу уруш узоқ вақт давом этиши ва ҳатто кескинликнинг кучайишига олиб келиши мумкинлигини кўрсатишини таъкидлади. Фицо, шунингдек, Украинанинг Россиянинг байрамлар чоғида ўт очишни тўхтатиш ҳақидаги таклифини рад этганидан афсусда эканлигини билдирди.
У, шунингдек, Европа Иттифоқи давлатларининг мудофаа харажатларини ошириш режаларини танқид қилиб, бу маблағларни муҳим иқтисодий дастурларни амалга ошириш, хусусан, Америка тарифларидан азият чекаётган автомобиль саноатини қўллаб-қувватлаш учун ишлатишни таклиф қилди.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Франция Россия Ғалаба байрамига таклиф қилинмаганидан ғазабланди
