Финляндия Германиянинг Dynamit Nobel Defence компанияси билан 84,5 миллион евро қийматида шартнома тузди. Компания Исроилнинг Rafael Advanced Defense Systems мудофаа концернига киради.
Шартнома доирасида Финляндия армияси бронетехникани нишонга олиш учун мўлжалланган RGW110 танкка қарши тизимларини олади.
Янги қуроллар Финляндия армиясида 1980-йиллардан бери қўлланиб келинаётган Франциянинг APILAS танкка қарши мажмуаларини алмаштиради.
Қурол-яроғ ва ўқув жиҳозларини етказиб бериш, шунингдек, ҳарбий хизматчиларни тайёрлаш ишлари 2027 йилдан бошланади.
RGW110 — Исроил армиясида «Матадор» номи билан маълум бўлган RGW90 тизимининг такомиллаштирилган версияси. Номидаги «110» рақами ўқ-дорининг 110 миллиметрлик калибрини англатади.
Бу харид Россия билан чегарадош давлатларнинг мудофаа салоҳиятини кучайтириш жараёни давом этаётганини ҳам кўрсатади.
Ўзбекистонда кескин совуқ ва кучли ёғингарчилик кутилмоқда
Эркинжон Турдимов бешта ректорни ишдан бўшатди
Европа Украина можаросида Россия ғалабасини англамоқда
