ФИФА томонидан "қулоғидан тортиб" финалгача олиб келинган Аргентина Испанияга мағлуб бўлди (видео)

АҚШ, Канада ва Мексика мезбонлик қилган жаҳон чемпионатининг финалида Испания терма жамоаси ғолибликни қўлга киритди.
Финал баҳсида испанлар қўшимча бўлимларда Аргентинани мағлуб этишди — 1:0. Учрашувдаги ягона голни 106-дақиқада Нико Уильямснинг узатмасидан сўнг захирадан майдонга тушган Ферран Торрес киритди. Ҳар иккала футболчи ҳам ўйин давомида захирадан майдонга қўшилган эди.
Испания ўз тарихида иккинчи маротаба жаҳон чемпионати ғолибига айнди (илк бор 2010 йилда ғалаба қозонган) ва совринлар сони бўйича Франция ҳамда Уругвайга тенглашиб олди. Ҳозирда фақатгина Бразилия (5 та ғалаба), Германия (4), Италия (4) ва Аргентина (3) испанлардан олдинда бормоқда.
Аргентина эса ўз тарихида тўртинчи бор мундиалнинг ҳал қилувчи баҳсида мағлубиятга учради.
ЖЧ-2026, ФИНАЛ
Испания – Аргентина 1:0
Бош ҳакам – Славко Винчич (Словения)
Гол: 1:0 – 106, Ферран Торрес (Нико Уильямс)
Испания: 23. Унаи Симон, 8. Фабиан Руис (20. Педри, 62), 10. Дани Ольмо (6. Микель Мерино, 75), 12. Педро Порро, 14. Эмерик Ляпорт (4. Эрик Гарсия, 99), 15. Алекс Баэна (17. Нико Уильямс, 75), 16. Родри (18. Мартин Субименди, 99), 19. Ламин Ямал, 21. Микель Оярсабаль (7. Ферран Торрес, 62), 22. Пау Кубарси, 24. Марк Кукурелья.
Аргентина: 23. Эмилиано Мартинес, 3. Николас Тальяфико, 4. Гонсало Монтиэль (26. Науэль Молина, 58), 6. Лисандро Мартинес (19. Николас Отаменди, 44), 7. Родриго Де Пауль (17. Жулиано Симеоне, 70), 9. Хулиан Альварес (2. Маркос Сенеси, 102), 10. Лионель Месси, 13. Кристиан Ромеро (25. Факундо Медина, 70), 15. Нико Гонсалес (5. Леандро Паредес, 46), 20. Алексис Мак Аллистер, 24. Энцо Фернандес.
Огоҳлантиришлар: Лисандро Мартинес (41), Леандро Паредес (52), Энцо Фернандес (82), Алексис Мак Аллистер (112)
Четлатиш: Энцо Фернандес (90+3, иккинчи огоҳлантириш)