ФИФА президенти Жанни Инфантино 2016 йилда лавозимга сайланганидан кўп ўтмай унга нисбатан ўтказилган текширув тафсилотлари маълум бўлди. Бу ҳақда The Times хабар берди.
Нашр маълумотига кўра, ФИФА ушбу иш бўйича тўлиқ ҳисоботни қарийб ўн йил давомида очиқламаган.
Текширув доирасида Инфантинонинг Москвага Владимир Путин билан учрашув учун қилган сафари, кейин эса Қатарга йўл олгани ўрганилган. Ушбу сафарлар харажатлари Россия ва Қатар томонидан қопланган.
Шунингдек, Инфантинонинг Миландан Римга рафиқаси ва онаси билан бирга бориб, Рим папаси Франциск билан учрашган сафари ҳам алоҳида текширилган.
ФИФА президенти терговчиларга хусусий самолёт россиялик миллиардер Леон Семененкога тегишли бўлганини айтган. У Алишер Усмоновнинг собиқ бизнес ҳамкори сифатида тилга олинган.
ФИФА Этика қўмитаси текширувни 2016 йил ёзида якунлаган. Якунда Инфантино оқланган ва хусусий самолётлардан фойдаланишда қоидабузарлик аниқланмаган.
Текширув Инфантинонинг ФИФА президенти этиб сайланганидан кейинги шартномасини ҳам қамраб олган. У дастлаб шартномани имзолашдан бош тортган ва йилига 2 млн доллар миқдоридаги таклиф қилинган маошни "ҳақоратомуз" деб атаган.
Тергов якунига кўра, Инфантино барча кўриб чиқилган ҳолатлар бўйича оқланган ва унга нисбатан ҳеч қандай жазо чораси қўлланмаган.
Роналдунинг тўйида онаси қатнашмади
Легионеримиз жамоаси билан Чемпионлар лигасида миллионлаб евро ишлаб олди
Гиннесснинг рекордлар китоби Холанднинг бирданига тўртта рекордини расман рўйхатга олди
