Халқаро Футбол Ассоциациялари Федерацияси (ФИФА) 2026 йилги Жаҳон чемпионати ярим финалида Англия устидан 2:1 ҳисобида ғалаба қозонганидан сўнг, миллий терма жамоа футболчилари майдонда Фолькленд ороллари (Мальвинас) ҳақидаги ибора ёзилган баннерни кўтаргани учун Аргентина Футбол Ассоциациясига (АФА) қарши интизомий иш қўзғатди.
ФИФАнинг тегишли баёноти Sky журналисти Роб Ҳаррис томонидан ижтимоий тармоқ саҳифасида эълон қилинди.
Футболчилар майдонга "Мальвинас ороллари аргентиналиклар" ёзуви туширилган баннерни кўтариб чиқишган.
Шунингдек, ФИФА аргентиналиклар Науэль Молина, Леандро Паредес ва Тиаго Алмадага қарши 2026 йилги Жаҳон чемпионати финалида Испанияга қарши ўйиндан кейин (қўшимча вақтда 0:1) қилган хатти-ҳаракатлари учун иш қўзғатгани ҳақида хабар берилган. Ўйиндан сўнг Паредес аввал ҳимоячи Эрик Гарсияни бўйнидан бўғиб, кейин ярим ҳимоячи Гавини итариб юборган. Молина испаниялик Родри ғалабасини нишонлаётган пайтда уни йиқитишга уринган.
Аргентина ва Буюк Британия Фолькленд ороллари (Мальвинас) бўйича ҳудудий низоларни давом эттирмоқда. Буэнос-Айрес архипелагни ўз ҳудуди деб даъво қилмоқда, Лондон эса 1833 йилдан бери ороллар устидан назоратни амалга ошириб келмоқда. 1982 йилда низо қуролли можарога айланиб, Британиянинг ғалабаси билан якунланди. Ўшандан бери Аргентина БМТ механизмлари орқали оролларнинг мақомини қайта кўриб чиқишни давом эттирмоқда.
Ўн йилдан сўнг пулнинг аҳамияти деярли қолмайди
Эрон 200 нафардан ортиқ америкалик ҳарбий хизматчиларни йўқ қилди
Озарбайжон Эронга жавоб чораларини кўрди
