Фидан ва Барро Ҳормуздаги инқироз ва Россия-Украина можаросини муҳокама қилди

Туркия ташқи ишлар вазири Ҳакан Фидан француз ҳамкасби Жан-Ноэль Барро билан телефон орқали суҳбатлашди.

Бу ҳақда TRT Haber телеканали Туркия ташқи ишлар вазирлигига таяниб хабар бермоқда.

Улар Ҳормуз бўғози атрофидаги вазият ва Яқин Шарқдаги урушни тугатиш бўйича давом этаётган музокараларни муҳокама қилишди.

Томонлар шунингдек, Россия ва Украина ўртасидаги можарони ҳал қилиш бўйича саъй-ҳаракатларни, шунингдек, Фаластин ва Суриядаги вазиятни ҳам муҳокама қилишди.