Ўғрилик учун жиноят кодексининг 169-моддасида жиноий жавобгарлик назарда тутилган бўлиб, ўғрилик, яъни ўзганинг мол-мулкини яширин равишда талон-торож қилишда ифодаланади.
Жиноят ишлари бўйича Учкўприк туман суди раиси Нодиржон Раимқуловнинг маълум қилишича, Раҳим Набиев (исм шарифлар шартли) Учкўприк тумани “Нур” МФЙ, Ниҳол-9 боғдорчилик уюшмасига қарашли фуқаро Отабек Фарходовичга тегишли бўлган дала ҳовлига девор ошиш йўли орқали ғайриқонуний равишда кириб, у ердан умумий баҳоси 3.000.000 сўм бўлган 2 дона Германия давлатида ишлаб чиқарилган велосипедларни яширин равишда талон-торож қилган.
Суд жараёнидаги Раҳим Набиевнинг кўрсатмасида, 2025 йил 4 январь куни маст бўлиб қолиб, таниши Отабек исмли танишини дала ҳовлисидан 2 дона велосипедни ўғирлаб чиқиб, катта асфалт йўл томонда кетаётганида бозор томондан бир «Labo» русумли автомашина келиб қолиб, уни олдидан ўтиб, орқага қайтаётганида уни кўриб тўхтади деб ўйлаб, велосипедларни ўша ерга ташлаб, кетиб юборгани, сўнг ИИБ ходимлари ушбу ўғирлик жиноятини у содир этганлигини аниқлашиб, буни олдига келишиб велосипедлар тўғрисида сўрашганида бўлган ҳолатни тушунтириб маст бўлиб қолиб ушбу велосипедларни Отабек исмли танишидан қасд олмоқчи бўлиб ўғирлаб олиб кетаётган бўлганлигини айтиб берган.
Суд, судланувчининг айбига иқрор бўлиб берган кўрсатувини ҳамда жабрланувчининг қонуний вакили, жабрланувчи, гувоҳларнинг кўрсатувларини, тарафларнинг музокара нутқлари, судланувчининг охирги сўзини тинглаб, жиноят иши материалларини ҳар томонлама, тўла ва холисона текшириб чиқиб судланувчи Р. Набиевни Жиноят кодексининг 169-моддаси 2-қисми “г” бандида кўрсатилган жиноятни содир этганганликда айбли деб топиб, қонун санкциясида кўрсатилган ахлоқ тузатиш ишлари жазосини тайинлади.
Гидрометеорология хизмати агентлиги тезкор ахборот берди
Расмий муносабат "Воқеа содир бўлган вақтда хонада бошқа шахслар ҳам бўлган..."
Ўзбекистонда ўта хавфли юқумли касаллик тарқатувчи “уйғонди”
