Фарғона ва Қашқадарёда қалбаки акциз маркали алкоголь маҳсулотлари савдосининг олди олинди

Фарғона ва Қашқадарё вилоятларида ноқонуний алкоголь маҳсулотлари савдоси фош этилди.

Фарғона шаҳрида Департамент ходимлари “V.A.” МЧЖга қарашли дўкон сотувчиси О.С.ни 2 дона қалбаки акциз маркали алкоголь маҳсулотини сотиш вақтида ушлади. Текширувда дўкондан умумий қиймати 106,7 млн сўмлик турли номдаги қалбаки алкоголь ҳамда 10,5 млн сўмлик тамаки маҳсулотлари ашёвий далил сифатида олинди.

Шаҳрисабз шаҳрида ўтказилган бошқа тезкор тадбирда “Бўстон” МФЙдаги “D.D.” хусусий корхонасига тегишли дўкондан 34,5 млн сўмлик, 18 турдаги 938 дона қалбаки акциз маркали алкоголь маҳсулотлари савдога қўйилгани аниқланди ва мусодара қилинди.

Ҳар икки ҳолат юзасидан Жиноят кодексининг тегишли моддалари бўйича жиноят иши қўзғатилиб, тергов ҳаракатлари олиб борилмоқда.