Фақат «Реал» қолди...

Мадриднинг «Реал» клуби Криштиану Роналдунинг Португалия терма жамоасидаги фаолиятини якунлаганига ҳозирча расмий муносабат билдирмади.

41 ёшли ҳужумчи 5 ноябрь, пайшанба куни миллий жамоа билан хайрлашганини эълон қилган эди.

Мазкур қарордан сўнг Роналду фаолияти давомида шарафини ҳимоя қилган клублар португалиялик юлдузга бағишланган хабарлар эълон қилишди.

Жумладан, «Спортинг», «Манчестер Юнайтед», «Ювентус» ва «Ан-Наср» ўзларининг ижтимоий тармоқлардаги саҳифалари орқали Криштиануга ҳурмат ва миннатдорлик изҳор этишди.

Бироқ хабар тайёрланган вақтга қадар «Реал» на расмий сайтида, на ижтимоий тармоқларда Роналдунинг терма жамоадаги фаолиятини якунлаши муносабати билан бирор баёнот эълон қилган.

Эътиборлиси, Криштиану Роналду ҳозиргача Мадрид клуби тарихидаги энг яхши тўпурар ҳисобланади.

Португалиялик ҳужумчи «Реал» сафида 438 та учрашув ўтказиб, 450 та гол уришга муваффақ бўлган.

Шунга қарамай, Мадрид клуби ўз тарихида ўчмас из қолдирган футболчининг миллий жамоа билан хайрлашувига ҳозирча муносабат билдирмаган.