Фаластин давлати бўлмайди

Исроил мудофаа вазири Исраэл Кац Фаластин давлатининг ташкил этилишига йўл қўйилмаслигини ва Ғазо сектори келажакда тўлиқ қуролсизлантирилишини маълум қилди. Унга кўра, бу Исроил хавфсизлигининг асосий шарти ҳисобланади.

Кацнинг сўзларига кўра:
— Фаластин давлатига йўл йўқ, чунки бундай давлат Исроилга «ятиқ таҳдид» солиши мумкин;
— Ғазо секторида ҳарбий потенциал бутунлай йўқ қилиниши, ҳудуд эса Исроил назоратидаги хавфсизлик механизмлари орқали бошқарилиши керак.

Бу баёнот халқаро майдонда, жумладан, АҚШ ва Европа Иттифоқи дипломатлари орасида кескин муҳокамага сабаб бўлмоқда. Улар орасида икки давлатли ечимни ягона барқарор сиёсий йўл сифатида қўллаб-қувватлаётганлар кўп.

Исроил расмийлари эса айни пайтда хавфсизликни биринчи ўринга қўйиш зарурлигини таъкидламоқда.