Журналист Фабрицио Романо ўзининг Twitterʼдаги саҳифасида 19 ёшли инглиз ярим ҳимоячиси Дортмунднинг “Боруссия” клуби ярим ҳимоячиси Жуд Беллингемнинг “ Реал”га ўтиши бўйича якуний музокаралар келаси ҳафта Бундеслига чемпионлиги учун кураш якунланганидан сўнг бўлиб ўтишини айтди.
Германия чемпионати якунланишига бир тур қолганида “қора-сариқлар” “Бавария”ни икки очкога ортда қолдириб, биринчи ўринни эгаллаб турибди.
Романо келишувга бошқа ўйинчилар жалб қилинмаслигини ва трансфер 100 миллион евро ва қўшимча тўловлар бўлишини айтди. Олдинроқ у Беллингемнинг "Реал" билан шахсий шартномаси шартлари 100% келишилганини ҳам хабар қилганди.
Англиялик ярим ҳимоячи жорий мавсумда Дортмунднинг “Боруссия” клуби сафида 42 та ўйинда майдонга тушиб, 14 та гол урди ва 6 та голли узатмани амалга оширди.
Чендлер: Бу Конорни охирги марта октагонда кўришингиз бўлади!
ЕЧЛ. "Боруссия Д" "Атлетико"ни енгиб, ярим финалга чиқди
"Ювентус" Шомуродов жамоасига қарши ўйинда аранг мағлубиятдан қутилиб қолди
