“Эй, Франция терма жамоаси, биз Қозонда Мессини тўхтатиш йўлини биламиз”

Россиянинг “Рубин” клуби Франция терма жамоасига Мессини тўхтатиш сирини айтмоқчи.

Маълумот учун, “Рубин” “Барселона” билан 2009 ва 2010 йилларда Чемпионлар лигаси доирасида Қозонда ўйнаган. Иккала ўйинда ҳам Қурбон Бердиев шогирдлари дуранг қайд этишган. Қизиғи, Лионель Месси иккала ўйинда ҳам гол кирита олмаган.

Бугун Франция терма жамоаси Аргентина қарши айнан Қозонда тўп суради. Шу боис Рубин клуби Франция терма жамоасига ёрдам бермоқчи.

“Эй, Франция терма жамоаси, биз Қозонда Мессини тўхтатиш йўлини биламиз. Агар сизга бу борада батафсил маълумот керак бўлса, биз билан алоқага чиқинг”, деб ёзди “Рубин” твиттердаги расмий саҳифасида.