Европарламентда Урсула фон дер Ляйенга нисбатан ишончсизлик вотуми яна рад этилди — Deutsche Welle.
Нашрнинг хабар беришича, Европарламент аъзолари Еврокомиссия раиси Урсула фон дер Ляйенга нисбатан ишончсизлик вотумини қўллаб-қувватламади. Овоз бериш натижасига кўра, 390 нафар депутат вотумга қарши чиққан, 165 нафари эса ташаббусни ёқлаган. Бу Европарламентнинг жорий чақириқ даврида ишончсизлик вотуми бўйича тўртинчи муваффақиятсиз уриниш бўлди.
Қайд этилишича, ишончсизлик вотуми Франциядаги ўта ўнг популистлар етакчиси Жордан Барделла ва унинг “Европа учун ватанпарварлар” гуруҳи томонидан илгари сурилган. Улар бу ташаббус сабаби сифатида Европа Иттифоқининг Жанубий Америка давлатларининг Mercosur ташкилотига аъзо давлатлар билан тузилаётган савдо келишувини келтириб, Урсула фон дер Ляйенни “европалик фермерлар ва фуқаролар фикрини инобатга олмасликда” айблаган.
Резолюцияни бошқа ўнг популистлар қаторида Германиянинг “Германия учун муқобил” партиясидан уч нафар депутат ҳам қўллаб-қувватлаган. Урсула фон дер Ляйен муҳокамада иштирок этмаган.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Хитой АҚШни Гренландия масаласи бўйича огоҳлантирди
Ҳафтанинг иккинчи ярмида ҳаво ҳарорати -13° гача тушади
