Европа Иттифоқининг АҚШ президенти Дональд Трампнинг Россияга нисбатан қатъийроқ позицияга чақирувига ягона жавобни шакллантиришдаги қийинчиликлари блокнинг ўз сиёсатини мувофиқлаштиришда дуч келаётган муаммоларини кўрсатади.
Бу ҳақда The Wall Street Journal (WSJ) хабар бермоқда.
Нашрнинг қайд этишича, Европа етакчилари Трамп уларнинг босимига жавобан "сценарийни ағдариб ташлаганидан" кейин ҳамон ягона жавобни шакллантира олмаяпти. Аввалроқ ЕИ АҚШни санкцияларни кучайтиришга чақирган, бироқ Америка раҳбари блокнинг ўзи Россия нефтини харид қилишни тўхтатишни, Россия билан савдо қилувчи мамлакатларга тарифлар жорий этишни ва Россиянинг музлатилган активларидан фойдаланишни таклиф қилган.
Жорий ҳафта Европа етакчилари Россияга қарши таклиф қилинган санкциялар пакетини қабул қилишни уни кучайтириш йўлларини излаш учун қолдирди, деб ёзади нашр. Мақола муаллифларининг қайд этишича, европаликлар аввалроқ блокнинг глобал капитал учун мўлжалланган обрўсига путур етказишидан қўрқиб, музлатилган активлардан фойдаланиш масаласини кўриб чиқишни истамаган.
Николай Валуевга нисбатан қидирув эълон қилинди
БМТда Фаластинга доир муҳим ҳужжат қабул қилинди. Қайси давлатлар қарши овоз бергани маълум
Ўзбекистонга қайтаётган бебаҳо мерос
