Европа йўлига расмий старт: Арманистон ЕИга қўшилиш жараёнини бошлади

Арманистон президенти мамлакатнинг Европа Иттифоқига қўшилиш жараёнини бошлаш тўғрисидаги қонунни имзолади.

Бу ҳақда Арманистон президенти Ваагн Хачатуряннинн матбуот хизмати маълум қилди.

2025 йил январ ойи бошларида Арманистон ҳукумати мамлакатнинг Европа Иттифоқига аъзо бўлиши ҳақидаги ҳужжатни маъқуллаган эди. Март ойи охирида эса ушбу қарор парламент томонидан ҳам тасдиқланди.

Аввалроқ Арманистон бош вазири Никол Пашинян ушбу қонун қабул қилинган тақдирда ҳам бу мамлакатнинг тўғридан-тўғри Европа Иттифоқига аъзо бўлишини англатмаслигини таъкидлаганди. Унинг сўзларига кўра, бу масала бўйича якуний қарор фақат умумхалқ референдуми орқали қабул қилиниши мумкин.