Европа Комиссияси Хитойдаги вирус туфайли Европада пандемия хавфини кўрмаяпти

Европа Иттифоқи Хитойда вирус – метапневмовирус тарқалиши сабабли янги пандемияга тайёргарлик кўриш зарурлигини кўрмаяпти.

Бу ҳақда Еврокомиссия вакили Эва Грнцирова маълум қилди.

"Ҳозир пандемияга тайёргарлик кўришнинг ҳожати йўқ, биз Хитойдаги вазиятдан хабардормиз, бизнинг тиббиёт агентлигимиз вазиятни кузатиб бормоқда, бу яқин ҳафталарда соғлиқни сақлаш қўмитасида ҳам муҳокама қилинади" - деди у.

Хитой Касалликларни назорат қилиш ва олдини олиш бошқармаси аввалроқ вирус шимолий вилоятларда тарқалгани ҳақида хабар берган эди.