Европа Кенгаши “беқарорлаштирувчи ҳаракатлар” учун Россияга нисбатан янги санкциялар режимини тасдиқлади

Европа Кенгашининг пресс-релизида қайд этилишича, янги санкциялар режими “Европа Иттифоқининг асосий қадриятлари ва унинг хавфсизлигига путур етказиш” билан шуғулланувчи шахслар ва компанияларни нишонга олиш имконини беради.

Янги санкциялар рўйхатидан жой олганларнинг активлари музлатилади ва Европа Иттифоқига кириш тақиқланади. Шунингдек, Европа Иттифоқига аъзо давлатлар фуқаролари ва компанияларига улар билан молиявий амалиётлар ўтказиш тақиқланади.