Еврокомиссия президенти Урсула фон дер Ляйен Канадада бўлиб ўтадиган G7 йиғилишида Россия нефти нархини пасайтириш ниятида эканлигини маълум қилди.
Бу ҳақда у Брюсселдаги матбуот анжуманида маълум қилди.
"Бизнинг жамоаларимиз, албатта, G7доирасида, айниқса АҚШ вакиллари билан алоқада. Биз Россияни бу санкциялар билан музокара столига ўтиришга мажбурлаш, барқарор тинчликка эришиш учун бу музокараларга жиддий ёндашиш мақсадига жиддий содиқмиз. Бу умумий мақсад", - деди у.
ЕК раҳбари, шунингдек, режалаштирилган 18-санкция пакети нефть нархининг юқори чегарасини бир баррель учун 60 доллардан 45 долларгача пасайтириш ва "Шимолий оқим" газ қувуридан фойдаланишни тақиқлашни ўз ичига олишини тасдиқлади.
Кутилганлардан фарқли ўлароқ, Россия ядро саноати ва ядро экспортига қарши санкциялар янги чекловчи чоралар тўплами лойиҳасига киритилмаган.
Аввалроқ Брюсселдаги манбалар Европа Иттифоқининг янги санкциялар пакети Россиянинг нефть ва атом энергетика соҳаларига қарши чораларни ўз ичига олишини даъво қилган эди.
Доллар ва евро кескин кўтарилди
Юртимизда яна бир порахўр амалдор қўлга тушди!
Украина кутилмаганда ҳаво жангида ғалаба қозонди: F-16 Россиянинг Су-35 самолётини уриб туширди
