Европа Иттифоқи Сурияга қарши ўтган йилларда жорий қилинган иқтисодий санкцияларнинг катта қисмини бекор қилишга рози бўлди. Бу ҳақда Европа Иттифоқи ташқи сиёсат департаменти раҳбари Кая Каллас ташқи ишлар вазирларининг Брюсселдаги учрашуви якунлари бўйича баёнот берди.
Унинг сўзларига кўра, Европа Иттифоқининг мақсади иқтисодиётни қўллаб-қувватлаш ва вазиятни барқарорлаштиришдир. “Биз Суриядаги одамлар иш ва тирикчиликка эга бўлишини истаймиз”, деди вазир.
Шахсан собиқ президент Башар ал-Ассад ва унинг атрофидагиларга қаратилган санкциялар ўз кучида. Улар орасида аҳолини бостириш учун ишлатилиши мумкин бўлган қурол-яроғ ва жиҳозларни этказиб бериш тақиқланган.
АFP маълумотларига кўра, ЕИ Сурия Марказий банки активларини музлатиб қўйишга, банк операцияларига қўйилган чекловларни олиб ташлашга ва ташқи савдони тиклашга тайёр. Қарор Европа Иттифоқининг доимий вакиллари томонидан расман тасдиқланиши керак.
Санкцияларнинг бекор қилиниши 2025-йил январида тасдиқланган босқичма-босқич юмшатиш режасидан сўнг амалга оширилмоқда. Ўшанда Европа Иттифоқи Суриянинг янги расмийлари халқаро ҳуқуқни бузса, чекловларни қайтадан жорий этиши мумкинлигини таъкидлаган эди.
Санкцияларнинг бекор қилинишини аввалроқ АҚШ президенти Доналд Трамп қўллаб-қувватлаган ва у май ойида бу қарор Туркия етакчиси Ражаб Тоййиб Эрдўғaн билан келишилганини айтган эди.
«Жаҳаннам дарвозаси» кратери тез орада сўнади
Украина кутилмаганда ҳаво жангида ғалаба қозонди: F-16 Россиянинг Су-35 самолётини уриб туширди
“Келинг, шундай келишайлик: Биз Украинада бундай ракеталарни маълум миқдорда жойлаштирамиз"
