Европа Иттифоқининг олий вакили Кая Каллас номзод давлатларнинг 9 май куни Москвада ўтказиладиган тадбирларда иштироки жуда салбий баҳоланишини маълум қилди.
"Биз аниқ ва равшан айтдик: Россия Европада кенг кўламли уруш олиб бораётган бир пайтда, Европа Иттифоқига аъзо бўлишга интилаётган биронта ҳам давлат 9 май парадида қатнашмаслиги лозим," - деди Каллас Люксембургда Европа Иттифоқи кенгаши йиғилишидан сўнг ўтказилган матбуот анжуманида.
У Москвадаги байрам тадбирларида иштирок этиш Европа қадриятларига зид эканлигини ва бундай ҳаракатлар оқибатсиз қолмаслигини таъкидлади.
Шунингдек, Каллас Европа Иттифоқи мамлакатлари ва ташкилотларини Киевга тез-тез ташриф буюришга чақирди:
"Бу Украинага бирдамлик ва қўллаб-қувватлашимизни кўрсатиш учун муҳим. Биз доимо ташрифлар учун имконият излаймиз."
Аввалроқ Латвия ТИВ раҳбари Байба Браже Ғарбий Болқондан номзод давлатларга аллақачон аниқ сигналлар юборилгани - Москва парадида иштирок этишдан тийилиш кераклигини маълум қилганди.
