Европа Иттифоқи Ливан армиясига 100 миллион евро ажратади

Европа Иттифоқи Исроил ва Ливан ўртасидаги сулҳни қўллаб-қувватлаш мақсадида Ливан қуролли кучларига қўшимча 100 миллион евро ажратишга қарор қилди.

Бу ҳақда Европа Иттифоқининг ташқи ишлар ва хавфсизлик сиёсати бўйича олий вакили Kaja Kallas маълум қилди.

Унинг таъкидлашича, Ливан давлат институтларини мустаҳкамлаш ва мамлакат хавфсизлик кучларини қўллаб-қувватлаш нафақат минтақада барқарорликни таъминлаш, балки Hizbullah таъсирига қарши курашишнинг ҳам муҳим воситаси ҳисобланади.

«Ушбу саъй-ҳаракатларни қўллаб-қувватлаш учун Европа Иттифоқи Ливан қуролли кучларига қўшимча 100 миллион евро ажратишга қарор қилди», — деди Каллас.

Европа Иттифоқи, шунингдек, Исроил ва Ливан ўртасидаги ўт очишни тўхтатиш тўғрисидаги келишув тўлиқ кўламли ҳарбий ҳаракатлар қайта бошланишининг олдини олиши мумкинлигига ишонч билдирмоқда.

Брюсселнинг фикрича, Ливан армиясининг салоҳиятини ошириш мамлакат жанубида давлат назоратини кучайтириш ва қуролли гуруҳлар таъсирини чеклашга хизмат қилади. Шу боис Европа Иттифоқи Ливан хавфсизлик тизимини қўллаб-қувватлашни минтақавий барқарорликнинг муҳим омили сифатида баҳоламоқда.