Европа Иттифоқига аъзо давлатлар Гренландия масаласи туфайли АҚШга қарши 93 миллиард евро миқдорида жавоб чораларини жорий этиш имкониятини кўриб чиқмоқда.
Бу ҳақда Британиянинг Financial Times (FT) газетаси европалик мансабдорларга таяниб маълум қилган.
Нашр маълумотларига кўра, ЕИнинг жавоб чораларининг иккинчи варианти — "америкалик компанияларнинг ягона бозорга киришини чеклаш"дан иборат. Таъкидланишича, ушбу режалар келаси ҳафта Давос шаҳрида бўлиб ўтадиган Жаҳон иқтисодий форуми доирасида Европа етакчилари ва АҚШ президенти Дональд Трамп ўртасида бўладиган учрашувлар арафасида ишлаб чиқилмоқда.
"Агар бу давом этса ва Трамп соф мафиявий усулларни қўлласа, бизнинг қўлимизда очиқ-ойдин жавоб инструментлари бор, — деди FT нашрига европалик дипломатлардан бири. — Бироқ шу билан бирга, биз омма олдида вазминликка чақириб, унга орқага бир қадам ташлаш имкониятини бермоқчимиз". Манбанинг айтишича, Брюссель "қамчи ва ширинлик" усулидан фойдаланишни режалаштирмоқда.
Газетанинг ёзишича, ЕИ давлатларининг аксарияти жавоб чораларини қўллаш таҳдидларига ўтишдан олдин "қарама-қаршиликларни дипломатик йўл билан ҳал этиш" тарафдори.
"Биз кескинликни пасайтиришимиз керак", — деди яна бир европалик дипломат.
Нашр манбаларидан яна бири эса Евроиттифоқнинг жавоб чоралари эҳтимоли АҚШ Конгресси аъзолари томонидан Трамп маъмуриятига босимни кучайтиради, деган умидни билдирди.
"Вазият энди муросага жой қолдирмаяпти, чунки биз Гренландияни бериб юборолмаймиз, — деди у. — Оқилона фикрлайдиган америкаликлар ҳам унинг ҳозиргина Пандора қутисини очганини яхши билишади".
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Эрон Starlinkни блоклашга муваффақ бўлди
