Трамп Эронга кескин талаб қўйди

Трамп Эронни «шартсиз таслим бўлишга» чақирди.

АҚШ президенти Доналд Трамп ўзининг Truth Social ижтимоий тармоғидаги аккаунтида «Эрон билан шартсиз таслим бўлишдан бошқа ҳеч қандай келишув бўлмайди» деб ёзди.

Трамп таслим бўлиш ва янги «мақбул раҳбар (ёки раҳбарлар) танланганидан сўнг, иттифоқчилар ва шериклар билан биргаликда Эронни иқтисодий жиҳатдан аввалгидан ҳам каттароқ, яхшироқ ва кучлироқ қилиш учун тинимсиз меҳнат қиламиз» деб қўшимча қилди.

АҚШ президенти Эронни «буюк келажак» кутаётганини таъкидлади.

Бир кун олдин Трамп Эроннинг янги раҳбариятини танлашда иштирок этиши кераклигини айтди.

Аввалроқ Россия Эронга Яқин Шарқдаги АҚШ ҳарбий объектларига зарба бериш учун разведка маълумотлари берган бўлиши мумкинлиги айтилганди.