Евроиттифоқ Россиянинг музлатилган активлари бўйича қарорни 18 декабрда қабул қилмоқчи

Бу ҳақда Франция ташқи ишлар вазири маълум қилди.

Жан-Ноэл Барронинг аниқлик киритишича, Россиянинг музлатилган активларига оид кейинги чораларни муҳокама қилиш яқин кунларда ҳам давом этади. Шунингдек, у Европа давлатлари “Украинани кейинги икки йил давомида молиявий қийинчиликлардан ҳимоя қилиш” ниятида эканини айтди.

"Биринчи рақамли устувор вазифа — Европада жойлашган Россия активларини блокланган ҳолда сақлашни кафолатлашдир. Бу бизга келажакдаги тинчлик шартларига таъсир кўрсатиш имконини берадиган муҳим воситадир", — дея қўшимча қилди Франция ТИВ раҳбари.