Евро-2024нинг 20 нафар иштирокчиси маълум бўлди

Футбол бўйича 2024 йилги Европа чемпионатининг 24 иштирокчисидан 20 таси маълум бўлди.

Германия, Португалия, Франция, Бельгия, Шотландия, Испания, Туркия, Австрия, Англия, Венгрия, Словакия, Албания, Дания, Швейцария, Нидерландия, Руминия, Сербия, Италия, Словения ва Чехия мусобақанинг финал босқичига йўл олди.

Турнирга яна бир тўғридан-тўғри йўлланма Хорватия ва Уэльс терма жамоалари кураш олиб бораётган “Д” гуруҳида ўйналади. Евро-2024да қолган учта ўрин Миллатлар лигаси плей-офф босқичи орқали тақсимланади.

2024 йилнинг 21-26 март кунлари олтита ярим финал, ундан сўнг учта финал ўтказилади, бу ўйинларнинг ғолиблари 24 жамоадан иборат финал турнири иштирокчилари рўйхатини тўлдиради.