Бугун 16 июнь, 2019 йил, якшанба

O'ZB

Эшак гўшти нега ҳаром қилинган?

Эшак гўшти нега ҳаром қилинган?

Савол:

Ассалому алайкум! Чўчқа, ит, эшак гўшти нима учун динимизда ҳаром қилинган?

Жавоб:

Чўчқа, ит ва эшак гўштлари шариат эгаси - Аллоҳ таоло томонидан ҳаром қилинган. Бу ҳукмлар ё Ўзининг Каломи билан, ё Расулининг тили билан баён қилинган. Шариатда ҳалол ё ҳаром қилиш Оламлар Парвардигорининг ишидир. Аллоҳ таоло Аъроф сурасининг 54-оятида: Огоҳ бўлинг, яратиш ва амр қилиш Унинг ўзига хосдир , дейди. Шунга ўхшаш таълимотлар сабабидан биз Аллоҳ буюрган амалларни эшитибоқ итоат қиламиз ва бу жиҳатимиз билан бошқалардан фарқланамиз. Зеро Ҳақ таолонинг ҳар бир иши ҳикматлидир. Аллоҳ таоло Фотир сураси, 14-оятида: Ўта хабардор зотдек ҳеч ким сенга хабар бера олмас , дейди.

Аллоҳ ўзи чиқарган ҳукмларнинг баъзиларини ҳикматини баён қилган ва баъзиларини баён қилмаган. Чунки Қуръони карим ҳикматлар баёни қилинадиган китоб эмас. Бизга у ҳукмларни оламларнинг Парвардигори чиқаргани етарлидир. Биз Аллоҳ Бақара сурасининг охирида ўргатганидек Эшитдик ва итоат қилдик. Эй Раббимиз мағфиратингни сўраймиз ва қайтиб бориш Сенгадир , деймиз.

Ҳаёт ва илм замонлар ўтиши билан мазкур ҳайвонларнинг ҳаром бўлиш сабаб ва ҳикматларини равшан кўрсатиб бераётган бўлса ҳам, биз мусулмонлар айнан мазкур эътиқодда қолаверамиз.

Валлоҳу аълам.

Мубашшир Аҳмад

Киритилди: 16:39 11.04.2019. Ўқилди: 4319 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади, ва телефон ракамни тасдиклаш керак булади!