Эрон сув инқирози чуқурлашган тақдирдагина Теҳронни таъминлаш учун Форс кўрфазидаги чучуклаштирилган сувдан фойдаланиши мумкин. Бу ҳақда мамлакат энергетика вазири Аббос Алиободий маълум қилди.
Унинг сўзларига кўра, бундай узоқ масофага сув етказиб бериш лойиҳаси ҳаддан ташқари қиммат ва "нормал шароитда" иқтисодий жиҳатдан мақсадга мувофиқ эмас. Вазирнинг таъкидлашича, ҳозирда Чохбаҳор, Бандар-Аббос ва Хузистонда йирик сувни чучуклаштириш станцияларини қуришга урғу берилмоқда. Ушбу лойиҳалар жанубий вилоятлардаги вазиятни яхшилаши ва хусусий инвестицияларни жалб қилиши керак.
Алиободийнинг таъкидлашича, жанубга юклама камайтирилса, сув ресурсларининг бир қисми Теҳрон ва мамлакат шимолига йўналтирилиши мумкин, бироқ бу масала қўшимча таҳлилни талаб қилади ва ҳозирча устувор вазифа сифатида кўриб чиқилмаяпти.
Шу билан бирга, собиқ транспорт вазири Аббос Охундий Теҳронга денгиз сувини етказиб бериш ғоясини кескин танқид қилиб, бундай лойиҳалар экологик хавф ва узоқ муддатли оқибатларни ҳисобга олмаслигини айтди.
Унинг таъкидлашича, "сувни чучуклаштириш бўйича кенг кўламли ташаббуслар ва пойтахтни кўчириш бўйича мунозаралар сув танқислигининг асл сабабларини ҳал қилмайди, балки фақат янги молиявий юкларни келтириб чиқаради," бундан биринчи навбатда пудратчилар фойда кўради.
"Араблар Ҳабибни пулга кўмиб ташлашди..."
“Реал Мадрид” стадиони номи ўзгарди (фото)
Россиянинг Су-35 самолётлари Қозоғистон Президентини Москвагача кузатиб борди
