"Теҳронда Исроил билан 12 кунлик уруш давомида ҳалок бўлган 60 нафар инсон, жумладан ҳарбий қўмондонлар ва олимлар дафн этилмоқда", дея хабар бермоқда нашр маҳаллий оммавий ахборот воситаларига таяниб.
Дафн этилаётганлар орасида Эрон Қуролли кучлари бош штаби раҳбари Муҳаммад Багерий ҳам бор. У Исроил билан қарама-қаршилик давомида ўлдирилган энг юқори лавозимли эронлик ҳарбий ҳисобланади. Уни Исроил зарбаси оқибатида ҳалок бўлган рафиқаси ва қизи билан бирга дафн этишмоқда.
Теҳронда ҳалок бўлганлар билан видолашиш учун Эрон байроқлари ва марҳумларнинг портретларини кўтариб олган минглаб одамлар тўпланган.
Дафн маросими арафасида Эрон ҳукумати оммавий ахборот воситалари орқали кампания олиб борди ва эронликларни унда иштирок этишга чақирди. Шунингдек, автобус ва метрода бепул қатнов ташкил қилинди. Дафн куни давлат идоралари ёпилди.
Эрон расмийларига кўра, Исроил билан можаро давомида жами 627 киши ҳалок бўлган. Можаро АҚШ Эрон ҳудудидаги ядровий объектларга ҳужум қилганидан сўнг тузилган сулҳ билан якунланди.
Элдор Шомуродов янги жамоасининг таклифини қабул қилди
Германия канцлери: Исроилнинг “ифлос иши” ҳақидаги фикримдан афсусланмайман
Испания Бош вазири Европага: “Сиз иккиюзламачисиз. Исроилга ҳеч нарса қилолмаяпсиз”
