Эронда АҚШ ва Исроилга алоқадор 55 киши қўлга олинди

Эрон ҳокимияти жанубий Ҳормозгон вилоятида АҚШ ва Исроил билан боғлиқ деб гумон қилинган 55 нафар шахс қўлга олинганини маълум қилди.

Tesnim агентлиги хабар беришича, операция Ислом инқилоби қўриқчилари корпуси разведка бўлинмалари томонидан ўтказилган.

Маълумотда айтилишича, “сионистик режим ва жиноий Америка билан боғлиқ ёлланма элементлар” деб баҳоланган 55 киши аниқланиб, ҳибсга олинган.

Эрон томони бу операцияни мамлакат хавфсизлигига таҳдид солувчи тармоқларга қарши кураш доирасида амалга оширилганини таъкидлаган.