Эрон ва АҚШ Маскатда яна музокара столига ўтирди

Эрон делегацияси Эрон ядровий дастури атрофидаги келишмовчиликларни ҳал қилиш бўйича АҚШ вакиллари билан музокаралар ўтказиш учун Маскатга келди.

Бу ҳақда Эроннинг ИРИБ давлат телеканали хабар берди.

Эслатиб ўтамиз, АҚШ ва Эрон Ўмон воситачилигида музокараларнинг уч раундини ўтказди. Биринчи раунд 12 апрелда Маскатда, иккинчи раунд 19 апрелда Римда, учинчи раунд 26 апрелда яна Маскатда бўлиб ўтди. Музокараларда Эрон делегациясига ташқи ишлар вазири Аббос Арагчи, Америка делегациясига эса АҚШ президентининг махсус вакили Стивен Уиткофф бошчилик қилмоқда.