Эрон уранни бойитиш ҳуқуқидан воз кечмаслигини билдирди

Эрон Миллий хавфсизлик олий кенгаши котиби Али Акбар Аҳмадиан Теҳрон уранни бойитиш ҳуқуқидан воз кечмаслигини айтди.

Бу ҳақда РИА Новости ёзмоқда.

"Оммавий қирғин қуролларидан воз кечишни таъкидлаган ҳолда, Эрон ядровий соҳадаги мустақиллик, жумладан, ёқилғи айланишига эгалик қилиш ва уранни бойитиш каби қонуний ҳуқуқларидан чекинмайди," - дея агентлик Миллий хавфсизлик олий кенгаши котибининг сўзларини келтирган.

Аҳмадиан халқаро хавфсизлик архитектураси барча мамлакатлар ва халқларнинг иштирокисиз мумкин эмаслигини таъкидлади, шунингдек, хавфсизлик ҳукмронликдан воз кечиш, халқлар эркинлиги ва мамлакатлар ўртасида тенг ҳуқуқли муносабатларни ўрнатишга асосланиши кераклигини таъкидлади.