"Евроучлик" (Буюк Британия, Германия ва Франция)нинг ҳаракатлари Эрон ядровий дастури билан боғлиқ инқирозни дипломатик йўл билан ҳал қилишга қаратилган барча саъй-ҳаракатларга путур етказмоқда.
Бу ҳақда Эрон ТИВ баёнот берди.
"БМТ Хавфсизлик Кенгашидаги уч Европа давлатининг илгари бекор қилинган резолюцияларни тиклашга қаратилган бугунги ҳаракатлари ноқонуний, асоссиз ва провокацион бўлиб, давом этаётган дипломатик жараёнларга жиддий путур етказади. Эрон ҳар қандай ноқонуний ҳаракатларга, жумладан, БМТ Хавфсизлик Кенгаши санксияларини тиклашга уринишларга муносиб жавоб бериш ҳуқуқини ўзида сақлаб қолади", дейилади вазирлик баёнотида.
Жума куни эрталаб БМТ Хавфсизлик Кенгаши Эронга қарши 2015 йилда бекор қилинган санкцияларни қайта тиклаш жараёнига тўсқинлик қиладиган резолюция лойиҳасини рад этди.
"Евроучлик" Теҳрон ҳукумати олдига учта шарт қўйди: АҚШ билан музокараларни бошлаш, ядровий фаолиятни тўхтатиш ва бойитилган уран ҳақида маълумот бериш.
Теҳронга бу шартларни бажариш учун 30 кун муҳлат берилган. Акс ҳолда, snapback триггер фаоллаштирилади. Бошқача айтганда, БМТ Хавфсизлик Кенгашининг 2231-резолюцияси яна кучга киради.
Жорий йилнинг 28 август куни Европа учлиги БМТ Хавфсизлик Кенгашига snapback механизмини фаоллаштиришни сўраб хат юборди.
Тошкентда она ўзини ва 2 боласини 8-қаватдан ташлаб юборди (юраги бўшлар кўрмасин)
Қирғизистон пойтахти кўчириладими?
Юқори қаватдан ўзини ва икки нафар фарзандини ташлаган аёл ҳалок бўлди, икки ўғилнинг ҳаёти сақлаб қолинди
