Эрон Қувайтдаги АҚШ базаларига зарба берди

Эрон Қувайтдаги АҚШ ҳарбий базаларига дрон ҳужумларини амалга оширди.

Бу ҳақда Эрон давлат телерадиокомпанияси IRIB армия матбуот хизматига таяниб хабар берди.

Хабарга кўра, Эрон армияси Қувайтдаги АҚШ ҳарбий алоқа тизимлари, ёқилғи баклари, Patriot ҳаво мудофааси тизимлари, кузатув миноралари ва ўқ-дори омборларига дрон ҳужумларини амалга оширган.

Аввалроқ АҚШ Марказий қўмондонлиги (CENTCOM) Эрон ҳудудига яна бир қатор ҳужумлар бошланганини эълон қилган эди.