Сунъий йўлдошдан олинган суратлар портдаги барча Эрон нефть танкерлари ғойиб бўлганини кўрсатади. Улар Исроилнинг йирик нефть терминалига ҳужум қилиш хавфи туфайли халқаро сувларга жўнаб кетишди, деб ёзади BILD.
Нашрнинг ёзишича, бир неча кун аввал “нефть ороли” деб номланувчи Ҳарк ороли яқинида бир нечта танкерлар турган. Эрон нефть экспортининг қарийб 90 фоизи ушбу стратегик муҳим порт орқали ўтади. Бироқ 4 октябрь, жума куни порт кутилмаганда бўш қолди. Сунъий йўлдошдан олинган суратлар буни тасдиқлайди.
Версиялардан бирига кўра, Эрон расмийларининг бундай ваҳима реакциясида АҚШ президенти Жо Байден муҳим рол ўйнаши мумкин. 3 октябрь куни бўлиб ўтган матбуот анжуманида у Исроилнинг Эрон ядровий дастурига зарба беришини қўллаб-қувватламаслигини айтди.
“Агар мен Исроилнинг ўрнида бўлганимда, нефть объектларига ҳужум қилишдан бошқа вариантларни кўриб чиққан бўлардим”, – деди у Оқуйдаги матбуот анжуманида.
Байденнинг изоҳлари нефть бозорида тебранишларга сабаб бўлди. Ва Эрон эҳтиёт чораларини кўришга қарор қилди ҳамда танкерларини қайтариб олди.
TankerTrackersнинг хабар беришича, хом нефть етказиб бериш давом этмоқда. Бироқ портдан “барча қўшимча юк ташиш имконияти” олиб ташланди. Бу Эрон учун қандай иқтисодий оқибатларга олиб келиши аниқ эмас.
Украина душман учун «Жаҳаннам» тайёрлади
16 декабрь куни яна изғирин совуқ қайтади
Россия Украинадан ерларини қайтариб олганини эълон қилди
