Эрон Миллий хавфсизлик олий кенгаши ўз котиби Али Ларижонийнинг ҳалок бўлганини расман тасдиқлади. У Теҳроннинг шарқий қисмидаги Пардис турар жой ҳудудига Исроил томонидан амалга оширилган аниқ авиа зарба натижасида ўлдирилган. У билан бирга унинг ўғли Муртазо ва унинг идораси раҳбари ҳам ҳалок бўлган. Ларижоний 28 февраль куни аятолла Хоманаий ҳалок бўлганидан кейин мамлакатнинг амалдаги раҳбари сифатида қаралар эди.
Расмий тасдиқдан бир неча соат ўтиб, Эрон Ислом инқилоби қўриқчилари корпуси (КСИР) Исроилнинг марказий қисмига баллистик ракеталар билан оммавий зарба берди.
Рамат-Ган шаҳрида (Тел-Авивнинг шарқий атрофида) кассетали жанговар қисми бор деб тахмин қилинган ракета турар жой ҳудудига тушган.
«Маген Давид Адом» тез ёрдам хизмати икки кишининг — тахминан 70 ёшлар атрофидаги эр-хотиннинг ҳалок бўлганини тасдиқлади. Яна тахминан 250 киши парчалардан жароҳат олган.
КСИР маълумотига кўра, ҳужумда ҳаво мудофаа тизимларини четлаб ўтиш учун мўлжалланган, ажралувчи жанговар қисмларга эга «Хорремшехр-4» ва «Қадр» ракеталари ишлатилган.
Эрон президенти Масуд Пезешкиан ва КСИР қўмондонлиги бу зарба Ларижонийнинг ўлдирилишига жавоб сифатидаги «қатъий ва аламли» ҳаракатларнинг фақат бошланиши эканини маълум қилди.
Эрон мусулмон давлатларига чақириқ билан чиқди
Эрондаги вазиятдан Марказий Осиёда энг кўп Тожикистон қийналиши мумкин
Эрон Исроилга ўта оғир баллистик ракеталар билан кучли ҳужум уюштирди
