Эрон АҚШнинг Яқин Шарқдаги ҳарбий базаларига зарба берганини маълум қилди

Ислом инқилоби қўриқчилари корпусига кўра, АҚШнинг Сирик ва Қешм оролларига уюштирган ҳужумларидан сўнг минтақадаги Америка ҳарбий базаларига авиацион ракеталар билан зарба берилган.

Шунингдек, Эрон томони Ҳўрмуз бўғозидан рухсатсиз ўтишга уринган тўртта танкерни нишонга олганини ҳам маълум қилган.

АҚШ Марказий қўмондонлиги эса Қувайт, Баҳрайн ва Ҳўрмуз бўғози томонга учирилган ракета ҳамда дронларнинг аксарияти тутиб қолинганини, америкалик ҳарбийлар орасида қурбонлар ҳақида маълумот йўқлигини билдирган.