Эрон олий раҳбари ташқи сиёсат бўйича маслаҳатчиси Камол Харрозий CNN телеканалга берган интервьюсида, агар АҚШ ҳурмат билан ҳаракат қилса, Эрон ядровий музокараларни қайта бошлашга тайёр эканини маълум қилди.
“Улар биз белгилаган шартлар асосида биз билан мулоқот қилишга тайёр эканликларини кўрсатиш учун биринчи қадамни қўйишлари керак”, — деди расмий.
Харрозий Эрон-Америка музокаралари “тенглик ва ўзаро ҳурмат” тамойиллари асосида олиб борилиши лозимлигини таъкидлади.