Эрон АҚШга можарони ҳал қилиш бўйича 14 банддан иборат таклиф йўллади — Таsnim

Ҳужжат АҚШнинг аввалги 9 бандлик таклифига жавоб ҳисобланади. Унда икки ойлик сулҳ назарда тутилган эди. Эрон эса келишмовчиликларни бир ой ичида ҳал этиш, “эътиборни сулҳни узайтиришга эмас, балки урушни тугатишга қаратиш” зарурлигини таъкидламоқда.

Маълумотларга кўра, Эрон томонининг шартлари орасида қуйидагилар бор:

— Хавфсизлик кафолатлари;

— Минтақадан АҚШ кучларини олиб чиқиб кетиш;

— Эронга қарши денгиз блокадасини бекор қилиш;

— Теҳроннинг музлатилган активларини блокдан чиқариш;

— Эронга компенсациялар тўлаш;

— Эронга қарши санкцияларни бекор қилиш;

— Барча йўналишларда, жумладан Ливанда ҳам ҳарбий ҳаракатларни тўхтатиш;

— Ҳўрмуз бўғози бўйича янги қоидалар жорий этиш.

Tasnim'нинг қайд этишича, Теҳрон ҳозирда Вашингтоннинг расмий жавобини кутмоқда. Шунингдек, Эрон агар АҚШ режадан қониқса, келаси ҳафта Покистонда музокаралар ўтказишга тайёрлигини билдирган.