Эрдўған: "Туркия Украинада тинчлик учун қўлидан келган барча ишни қилишга тайёр"

Туркия президенти Ражаб Тоййиб Эрдўған Бишкекда Россия президенти Владимир Путин билан ўтказилган музокараларда Анқара Украинадаги вазиятни тинч йўл билан ҳал этиш учун қўлидан келган барча ишни қилишга тайёр эканини билдирганини маълум қилди.

"Биз жаноб Путинга тинчликка эришиш учун қўлимиздан келган барча ишни қилишга тайёр эканимизни айтдик", — дея Эрдўғаннинг сўзларини РИА Новости келтирди.

Туркия раҳбари Анқара Украина можаросини музокаралар йўли билан ҳал этишга қаратилган саъй-ҳаракатларни қўллаб-қувватлашга тайёр эканини яна бир бор таъкидлади.