Эрдўған Ҳания ва «рақамли фашизм» ҳақида гапирди

Туркия Ҳамас етакчиси Исмоил Ҳания учун бир кунлик миллий мотам эълон қилиб, «Фаластин халқи билан бирдамлик кўрсатди», деди Президент Ражаб Тоййиб Эрдўған ҳукмрон партия қароргоҳида инсон ҳуқуқлари бўйича таълим дастурида сўзлаган нутқида.

«Биз фаластинлик шаҳидларнинг фотосуратларига ҳам тоқат қилмайдиган ва уларни дарҳол тақиқлайдиган ва буни эркинлик деб белгилайдиган рақамли фашизмга дуч келдик. Борган сари бузуқлашиб бораётган қаллоб давлат (Исроил) ваҳшийликнинг барча шаклларини намойиш этмоқда.

Укам Исмоил Ҳаниянинг шу ерда (Туркияда) чиқиш қилишини режалаштирган эдик. Афсуски, эртаси куни биз унинг шаҳид бўлганлиги ҳақидаги хабарни олдик», деди Эрдўған ҳаяжонланиб.